《 金 枝 慾 孽 》 上 身

好 耐 未 試 過 有 齣 電 視 劇 ， 好 似 《 金 枝 慾 孽 》 咁 強 ， 唔 單 止 師 奶 、 婆 婆 、 中 學 生 晚 晚 追 ， 開 口 埋 口 如 妃 娘 娘 有 幾 奸 ， 連 平 時 只 會 睇 《 Sex and the City 》 、 《 Six Feet Under 》 嘅 美 國 劇 擁 躉 ， 都 忽 然 愛 國 。 有 理 由 相 信 ， 近 排 好 多 BB 女 ， 會 俾 老 豆 老 母 改 名 做 安 茜 、 爾 淳 ， 或 者 玉 瑩 。

劇 中 出 現 的 肚 兜 、 香 囊 、 玉 珮 ， 以 前 叫 娘 ， 家 陣 叫 潮 ， 臨 近 大 結 局 高 潮 迭 起 ， fans ， 應 該 要 轉 着 肚 兜 出 街 。

寶 嬋 示 範 肚 兜 誘 惑

《 金 枝 慾 孽 》 經 典 片 段 無 數 ， 黎 姿 飾 演 玉 瑩 小 主 ， 剝 淨 肚 兜 兜 口 兜 面 問 孫 大 人 林 保 怡 ： 「 喂 ， 我 索 唔 索 先 ？ 」 記 憶 最 深 刻 。

請 來 在 劇 中 飾 演 如 妃 心 腹 寶 嬋 陳 霽 平 示 範 性 感 肚 兜 。 寶 嬋 一 見 現 場 各 式 衣 衫 產 品 ， 立 即 大 叫 ： 「 嘩 ， 好 似 劇 入 面 戲 服 同 道 具 呀 ！ 」
國 產 貨 一 向 被 視 為 遊 客 佳 品 ， 但 係 多 得 《 金 枝 》 大 熱 ， 真 係 多 本 地 人 瀏 覽 ， 着 肚 兜 扮 清 朝 美 女 ， 唔 係 再 單 單 因 為 要 參 加 化 妝 舞 會 。

　

如 妃 娘 娘 ： 「 我 有 咁 耐 風 流 … … 」

《 金 枝 慾 孽 》 hit 到 一 個 地 步 ， 係 有 人 自 己 度 埋 個 古 仔 ， 寫 埋 個 結 局 放 上 網 ， 就 當 係 真 。
官 方 提 供 最 新 劇 情 講 到 爾 淳 同 玉 瑩 陸 續 上 位 ， 安 茜 就 因 為 要 向 皇 后 報 仇 ， 拋 棄 孔 武 向 皇 上 埋 手 。 咁 如 妃 娘 娘 呢 ？ 憑 演 技 出 晒 位 鄧 萃 雯 親 口 證 實 ： 「 我 都 有 咁 耐 風 流 啦 ， 下 個 星 期 ， 寶 嬋 死 之 後 ， 就 會 俾 皇 上 打 入 冷 宮 。 點 知 失 寵 期 間 ， 反 而 俾 我 識 到 一 個 無 閹 男 人 ， 感 受 到 人 間 有 情 ， 至 決 定 唔 自 殺 繼 續 生 存 落 去 。 」


根 據 編 審 周 旭 明 透 露 ， 個 「 無 閹 男 人 」 ， 即 係 陳 豪 飾 演 孔 武 。 周 旭 明 仲 話 ， 今 次 唔 同 《 棟 篤 神 探 》 ， 無 拍 多 一 個 結 局 ， 但 係 六 位 主 角 ， 就 肯 定 可 以 捱 到 最 後 一 集 至 會 有 人 死 亡 ， 機 會 最 大 ， 首 推 同 孫 大 人 有 段 孽 緣 玉 瑩 。