| 如妃娘娘殺上天橋 鄧萃雯靚鞋任拎唔貪心
電視劇集《金枝慾孽》雖告一段落，但餘勢未盡！如妃鄧萃雯工作量不絕，除前晚為音樂會打頭陣外，昨日為鞋騷行天橋，風頭一時無兩！
如妃鄧萃雯昨日首次為Joy & Peace鞋騷行Catwalk，銅鑼灣頓時人頭湧湧，受歡迎程度遠超同場眾名模，雯女一出場，Fans立即歡呼拍掌，雯女亦識做地揮揮手。受到Fans熱情對待，她說：「套劇令我多
咗好多贊助同額外酬勞，今次除咗有錢袋之外，仲可以免費任着靚鞋，但我唔會咁貪心，瘋狂掃貨，只係攞啲又靚又型同襟興嘅靴囉！」
恨拍高層次劇集
《金》劇除令雯女的演技獲得認同外，亦令她豬籠入水：「依家有首飾、服裝贊助，我今季都唔使買衫，之前我講過最想有機票贊助，遲啲有旅行社搵我做主持，希望有免費機票同酒店啦！」提及無線台慶的「我最喜愛女主角」獎，她說：「做最紅同阿一好大壓力，都係唔好搞我，有機會拍到好劇已經好難求，我恨有機會演
啲高層次嘅劇。」
大會除邀請雯女行騷外，同場還有「寶嬋」陳霽平、任葆琳及樂基兒等，是次示範逾四十對鞋，最貴的一對毛毛長靴則由雯女示範，她說：「呢對我好鍾意，留畀我
吖！」
|
